Yen Yen小公主

  上星期五早上，突然接到一个电话，原来係“民工头”打嚟通知我，我俾人调走喇～～

  工作咗大半年嘅一个地方，同十几位同事都相处得好好，我哋就好似一家人，感觉就好似多咗好多个哥哥姐姐咁。听到消息嘅果一刹那，我眼都红咗。唔舍得离开一个熟悉嘅地方，更加唔舍得离开一班熟悉嘅同事，佢哋教咗我好多嘢，又对我好好，有饭吃又叫埋我，去饮酒又叫埋我，去唱K又叫埋我去玩。入咗去PE唔够半年，佢哋嘅年度玩乐计划全部都预埋我，哈哈～～我班同事真係好可爱！

  调走嘅消息真係嚟得好突然，“民工头”嘅语气就好似我已经俾人宣判咗死刑，佢只不过係“通知”我咁，唉～真係down！果一日係我入GPC最冇mood嘅一日！就连果晚YY姐请吃饭，我都冇乜心情。

  啲同事话我调走可能係好事，可以借依个机会学多啲嘢，升职都会快啲喔～未来係点，冇人知，我就觉得随缘啦，个天会有佢嘅安排，係好定唔好，以后就知啦，努力，发奋，争取表现得更加好啦！

  第一次玩，咩都唔识~~

  今晚学校冇断网，宿舍得翻我一个人，好静、好静，真係好静，静到我谂翻以前好多嘢。忽然间觉得大学4年好似就咁就过咗喇~~好似冇咩嘢印象特别深刻，记得最清楚嘅反而係大一果阵，我哋宿舍4个人一齐起身翻学、一齐去吃早餐、一齐去超市买嘢、一齐出市区玩...果阵大家都过得好开心，係最单纯嘅开心，果种feel以后点都唔会再翻嚟喇！真係好想翻翻去以前再感受多一次，一次就已经好够喇...

  当然最记得嘅梗係我班好锡我嘅friend啦，军训果阵识嘅yy姐、好好玩嘅衰meimei、教咗我好多好多好多嘅智忠、帮咗我好多嘅捞家、成日俾我虾嘅马仔、好乖嘅柳青、好过瘾嘅崔小姐，仲有好多好多，真係唔知数到几时先数完～～谂起距哋咁锡我，我啲眼泪已经忍唔住流出嚟，唔知点解距哋会咁锡我，唔知点解距哋会对我咁好，唔知点解距哋会帮我咁多，唔知点解距哋会教我咁多嘢，好多唔知点解...真係好想同距哋讲声多谢，不过又觉得好似咁样唔够，点都好啦，希望距哋个心会感受到我嘅诚意。

  “真係好多谢你哋咁锡我！真係好多谢～”

  最后一个有印象嘅人就係”杰杰猪“喇，虽然距静係陪过我倾计，陪过我吃饭，陪过我上课，喺我面试果日凌晨5点半叫我起身，同我讲咗句“加油”，但係咁样已经令我一世都会记住距喇！好奇怪，距係一个我唔会为距流眼泪嘅人，但係係一个我会永远记得距嘅人～～

 

  係咪好累呢？睇完我篇咁长嘅嘢，应该好累嘎喇！多谢晒你！！！多谢你肯用5分钟咁宝贵嘅时间去睇晒我依个傻妹写嘅嘢～如果你有3分钟空余时间，麻烦你留言俾我吖！同我讲下你睇完嘅少少感受吖！唔该晒～～多谢晒～～锡晒你～～～